güe, el: sust. Bos taurus machu, animal mamíferu [grande con cuernos]. || Dar un güe pintu, dar lo meyor. || Día (de) gües, midida agraria [de superficie] qu’equival aproximadamente a mil doscientos cincuenta metros cuadraos. 2 Midida [de superficie] qu’equival aproximadamente a mil ochocientos metros cuadraos. || Güe de les vacallories, Lucanus cervus, inseutu coleópteru [prietu con cuatro ales, de boques fuertes y aforquetaes]. || Güe de nozal, inseutu [que cría nel Juglans regia o nozal]. || Llingua de güe, planta [de fueya ancho que da flores grandes y blanques, y un frutu asemeyáu a una panoya]. 2 Phyllitis scolopendrium, [tipu de] felechu [de fueya allargao y ovalao ensin divisiones]. || Pasar el carru delantre los gües, facer una cosa enantes qu’otra que se tendría lóxicamente que facer primero. 2 *Espresión que se diz cuando daquién dexa d’obedecer, de respetar a otra persona de más edá, de más autoridá. || Poner el carru delantre los gües, facer una cosa enantes qu’otra que se tendría lóxicamente que facer primero. || Vaca güe, Bos taurus, animal fema [flacu y que camina mal].