mayu, el: sust. Aperiu [que se compón d’un mangu y una pieza pesada de madera o fierro nun cabu, que s’emplega pa cutir o mayar la mazana, el llinu, los tarrones, les árgomes]. 2 Martiellu [grande que s’emplega na fragua]. 3 Pieza [grande de madera que mueve la rueda del batán y que cute’l llinu, el cáñamu]. 4 Pieza [cilíndrica xeneralmente de madera cola que se cute nel morteru pa mayar daqué]. 5 Quintu mes [del añu]. || Como mayu (de llargu), fam. de bona estatura [una persona]. || Como un mayu (llargu), fam. de bona estatura [una persona]. 2 Pesada, cafiante [una persona]. || De tayu en mayu, fam. d’un llau pa otru. || Faba de mayu, planta de güerta del xéneru Vicia [que da frutos grandes que se comen verdes]. 2 Frutu comestible, [grande que da una planta del xéneru Vicia y que se come verde]. || Palombina de mayu, Streptopelia turtur, parpariega, páxaru [de color gris y d’ales amarronaes].