pañar: v. Agarrar [daqué del suelu]. Paña esi papel. 2 Quitar [el frutu d’un árbol, d’una planta, axuntándolo pa dempués aprovechalo]. 3 Facese con [daqué espurriendo’l brazu, cola ayuda d’un oxetu]. Paña la cartera que te quedó enriba la mesa. 4 Suxetar [daqué o a daquién cola mano]. Si nun lu paño a tiempu cai al suelu. 5 Axuntar [daqué que taba espardío]. Paña tolo que tirasti pel cuartu. 6 Ponese malu de [una enfermedá]. Pañó la varicela esi añu. Esti neñu páñalo too. 7 Salir pañu en [la cara]. 8 Facer muezques en [el pañu de la gadaña]. 9 Tener muezques [el corte de la gadaña]. t. prnl. 10 Facer propies [maneres, costumes ayenes]. Tuvo unos años pa Venezuela y tolo d’allá pañólo. 11 Robar, agarrar [lo que nun ye d’ún]. Ten cuidáu con él que paña tolo que ve. 12 Guardar [coses qu’otros nun aprovechen pa busca-yos un usu]. 13 Llograr, facese [con daqué]. Pañó bones perres nesi negociu. 14 Ser consciente de [daqué]. Nun fales d’eso delantre’l rapacín que lo paña too. 15 Apurrir, dar a la mano [daqué]. Páñame esa taza. 16 Segar y recoyer [yerba, pación]. 17 prnl. Arreglase, valise [ún mesmu].