añu, l’: sust. Periodu de doce meses. 2 Periodu cíclicu de doce meses qu’entama l’un de xineru y termina’l trenta y un d’avientu. 3 Tiempu que tarda’l planeta Tierra en completar una órbita alredor del Sol. 4 Periodu de tiempu cuando se desarrolla una actividá [escolar, xudicial]. || Al otru añu, al añu siguiente o viniente. || Añu llunar, periodu cíclicu de trescientos cincuenta y cuatro díes. || Añu lluz, espaciu que percuerre la lluz nun añu. || Añu mahometanu, periodu cíclicu de trescientos cincuenta y cuatro díes. || Añu nuevu, primeros díes del añu. 2 Primeru de xineru. || Añu vieyu, últimos díes del añu. || Cabu d’añu, cabudañu. || De bon añu, gordu, con salú. || De mal añu, flacu, ensin salú. || Entráu n’años, con bastantes años [una persona]. || La rueda l’añu, añu completu. || L’añu catapún, cuantayá, un tiempu remotu. || L’añu la pera, cuantayá, un tiempu remotu. || L’otru añu, l’añu pasáu. || Na fila (de) l’añu, tol añu, l’añu enteru. || Sacar el diente de mal añu, fam. fartucase comiendo. || Sacar la tripa de mal añu, fam. fartucase comiendo.