güesu, el: sust. Pieza [dura de materia orgánico de les que formen el cuerpu de los animales vertebraos]. 2 Material orgánico [que forma les pieces dures del cuerpu de los animales vertebraos]. Aguya de güesu. 3 Cachu de carbón [qu’apaez ente estéril na mina]. 4 Parte [dura del piescu, de la cereza, del nisu qu’envuelve la semiente]. 5 fam. Persona [atuñona, qu’alministra los bienes con avaricia]. 6 fam. Persona [desagradable y de tratu difícil]. 7 fam. Profesor [mui esixente]. 8 fam. Persona [folganzana, que nun-y gusta trabayar]. || Dar en güesu, tener dificultaes [pa llograr daqué poles torgues d’una persona, d’una situación]. || De carne y güesu, humanu. 2 Sensible, que tien sentimientu. || En carne y güesu, presente, en persona. || En (los) güesos, mui delgáu. || Güesu (de) la risa, güesu [del coldu, de la rodiya, de la rabadiella onde los golpes producen un dolor peragudu]. || Güesu dulce, güesu [del coldu, de la rodiya, de la rabadiella onde los golpes producen un dolor peragudu]. || Güesu duru de royer, fam. persona fosca y de tratu difícil. || Güesu l’allegría, güesu [del coldu, de la rodiya, de la rabadiella onde los golpes producen un dolor peragudu]. || Sacu güesos, fam. persona [mui delgada]. || Tener un güesu na barriga, fam. ser folganzán, vagu.