güeyu, el: sust. Muérganu [de la cara de les persones, de los animales que val pa percibir la lluz, la forma, el volume, los colores]. 2 Sitiu [onde naz una fonte, un ríu]. 3 Aniella [que tien una ferramienta pa qu’encaxe’l mangu]. 4 Furacu, abertura [arredondiada de l’aguya, de la muela del molín, d’una pesllera]. 5 Furacu [pequeñu y escuru que tienen les pataques en pulgu, per onde guañen]. 6 Furacu [pequeñu que se forma en quesu, en pan]. 7 Tueru [del maíz que nun da brotos]. 8 Brotu [d’un árbol cuando entamen a salir les fueyes, les flores]. 9 Güecu con forma hexagonal [de los que formen la seta d’un caxellu]. 10 Gota [d’aceite o de grasa que flota nun líquidu]. 11 fam. Intelixencia, entendimientu, astucia. Tien munchu güeyu. || A güeyu, ensin ayuda d’aparatos de midir. || Abrir los güeyos como platos, abrir muncho los güeyos. 2 Plasmar, sorprendese abondo. || Col güeyu guindón, ceguñando. || Colos güeyos zarraos, ensin nenguna dificultá y rápidamente. || Comer colos güeyos, desear muncho [una cosa, a una persona]. 2 Mirar muncho [daqué o a daquién]. || Con bonos güeyos, con bona intención. || Con malos güeyos, con mala intención. || Cuatro güeyos, fam. persona qu’usa gafes. || Echar el güeyu, fixase en [daquién] o en [daqué] queriendo tenelo. || Enllenar el güeyu, gustar, convencer [una cosa, una persona]. Nun lu compro, paez que nun m’enllena’l güeyu. || Entrar pel güeyu, gustar, convencer [una cosa, una persona]. || Entrar pelos güeyos, gustar, convencer [una cosa, una persona]. || Esfregar los güeyos, amosar sorpresa. || Faba del güeyu, [tipu de] faba. || Facer candelines los güeyos, brillar los güeyos. || Facer del güeyu, guiñar el güeyu. || Facer la barba’l güeyu, fam. resfregar un home la cara [a un neñu] cola barba. || Güeyu d’agua, sitiu [onde naz una fonte, un ríu]. || Güeyu (de) el Sol, momentu cuando’l Sol tien una parte escondida al amanecer o al atapecer. || Güeyu de mar, pozu d’agua [que se supón que comunica cola mar]. || Güeyu de pexe, oxetivu fotográficu de gran angular. || Güeyu derechu, persona [preferida, de muncha confianza]. || Mal de (el) güeyu, embruxamientu. || Meter pelos güeyos, facer que [daquién] acepte [daqué] de mala gana. 2 Facer que [daquién] tenga gana de [daqué]. || Nun pegar los güeyos, nun ser quien a dormir. || Pegar los güeyos, entamar a dormir. Nun fixo más que pegar los güeyos y llamáronlu. || Poner los güeyos como platos, abrir muncho los güeyos. 2 Plasmar, sorprendese muncho. || Sacar los güeyos, cobrar, pidir muncho más de lo que se considera xusto. || Tener un güeyu forcáu, fam. engañase, equivocase. || Un güeyu, muncha cantidá, muncho. || Ver un güeyu embruxáu [a daquién], *espresión que s’emplega cuando se tien una desgracia. || Zarrar el güeyu, nun querer ver o entender. 2 fam. Morrer. || Zarrar los güeyos, nun querer ver o entender. 2 fam. Morrer.