nueche, la: sust. Espaciu de tiempu cuando nun hai lluz solar [dientro d’un día]. 2 Escuridá [de les hores del día cuando nun hai lluz solar]. || A tercia nueche, na nueche anterior a antanueche. Vieno a tercia nueche. 2 Hai tres díes, nel día anterior a antayeri. || Bones nueches, *saludu que se da pela nueche. || Con un pedazu nueche, bastante dempués d’escurecer. || De nueche, nel periodu del día cuando nun hai lluz solar. 2 Ensin lluz solar. || Día y nueche, de contino, ensin parar. || Facer nueche, dormir [nun sitiu determináu]. || Nueche bona, nuechebona. || Nueche ciega, nueche zarrada, perescura. || Nueche (de) les trastaes, fam. nueche de San Xuan. || Nueche vieya, nuechevieya. || Primera nueche, hores coles qu’entama la nueche. || Ratu (de) nueche, hores entraes de la nueche. Cuando llegó a casa ratu nueche taba tola xente dormiendo. || Vieya la nueche, cocu de lluz, inseutu coleópteru [que da lluz].