pexe, el: sust. Animal vertebráu xeneralmente de forma allargada, que vive ente l’agua y tien d’estremidaes aletes pa nalar. 2 Conxuntu d’animales vertebraos acuáticos de respiración branquial. 3 fam. Persona de males intenciones, de males mañes. || Cola de pexe, xelatina [que se fai cola vexiga de los esturiones]. || Güeyu de pexe, oxetivu fotográficu de gran angular. || Llargar el pexe, echar la culpa [a otru]. 2 Dar una mala noticia arrodiando, dando vueltes. || Pexe azul, pexe [con muncha grasa]. || Pexe blanco, pexe [con poca grasa]. || Pexe bobu, Cetorhinus maximus, pexebobu, pexe escualu [de pelleyu gordo que tien un fégadu pergrande del que se saca aceite]. || Pexe correa, Syngnathus acus, pexe [llargu y delgáu cola boca en forma de tubu]. || Pexe d’agua mala, Cetorhinus maximus, pexe escualu [de pelleyu gordo que tien un fégadu pergrande del que se saca aceite]. || Pexe (de) ánxel, Squatina squatina, pexe [d’ales grandes, cuerpu achapláu y de color apardao con pintes blanques]. || Pexe de cascu, mariscu, animales marinos col cuerpu protexíu por una cáscara dura. || Pexe (de) clavu, Echinorhinus spinosus, pexdeclavu, pexe escualu [de color escuro col cuerpu allargáu y grande]. || Pexe (de) gatu, Etmopterus spinax, pexdegatu, pexe [de color escuro con cinco abertures branquiales y un aguiyón delantre de cada aleta]. || Pexe (de) palu, Molva macrophthalma, pexe [allargáu que tien una barba forcada debaxo la boca]. || Pexe del señoritu, Pagellus mormyrus, pexe marín [de color platiao y bandes amarronaes verticales en llombu y nos costaos]. || Pexe dulce, Heptranchias cinereus, pexedulce, pexe escualu [de cuerpu allargáu, color agrisao y que tien siete abertures branquiales de cada llau]. 2 Hexanchus griseus, pexedulce, pexe escualu [de cuerpu allargáu, color agrisao con manches marrón claro nes aletes y con seis abertures branquiales de cada llau]. || Pexe espada, Xiphias gladius, pexe [grande de color azul escuro con un allargamientu del focicu en forma d’espada]. || Pexe gafu, pexegafu, pexe del xéneru Trachinus [que tien una espina venenosa nes tapes de les agalles]. || Pexe llétricu, Torpedo marmorata, pexe [cola cabeza grande y arredondiada que da descargues llétriques]. || Pexe llinia, Gadus merlangus, pexe marín [de color pardo amarelludo y barriga blanca]. || Pexe martiellu, Sphyrna zygaena, pexe escualu [que tien la cabeza en forma de martiellu]. || Pexe momu, Cetorhinus maximus, momu, pexe escualu [de pelleyu gordo que tien un fégadu pergrande del que se saca aceite]. || Pexe perru, Epigonus telescopus, farol, pexe de calume [de boca y güeyos pergrandes]. || Pexe platiáu, [tipu de] pexe. || Pexe ratón, Chimaera monstrosa, pexerratón, pexe [de güeyos grandes col rabu llargu y delgáu]. || Pexe ratu, pexerratu, [tipu de] tiburón. || Pexe rei, pexe del xéneru Beryx [de color encarnao enceso]. || Pexe reló, pexerreló, [tipu de] pexe. || Pexe sin sangre, Argentina sphyraena, pexesinsangre, pexe [de cuerpu tresllúcidu que tien una banda platiada a cada llau]. || Pexe viaxeru, Petromyzon marinus, pexe [de cuerpu allargáu y cilíndricu y un solu furacu nasal na parte d’arriba de la cabeza]. || Pexe volador, Cypselurus heterurus, pexe [con aletes pectorales mui grandes, que piega voliatos fuera del agua].